Viva la libertad -- A Friend.

Viva la libertad -- A Friend.







(Das hier hat was mit der TV Serie Heroes zu tun, also bitte nicht wundern!)

Fasnacht 2009: Jetz simmer laggiert!

D' drey schönschte dääg sin jetz vorbii,
In Basel isch es Fasnacht gsi,
Mit Räppli, Gugge, Schnitzelbänk,
Mit Waggis, Dääfi, Früchtligschänk,
Het jedes Kind e riise Spass,
au d' Eltre hän e Aalass,
sich z'freue und z'verkleide jo,
Isch's Fasnacht z'Basel, simmer froh!


I han mi Zischtig, Mittwuch au,
in'd Stadt uufgmacht zu däm Radau,
Blaggedde fescht am Jackerand,
die muess me haa, au uus Aaschtand!
Ha'd Kinderfasnacht inschpiziert,
bi nääbem Cortege här marschiert.
Ha g'ruefe "Waggis, hey, hörsch mii!"
und abgsahnt, vieles, drbii!


Kei einzigs Blüemli abbekoo,
Dr'für Orange, und drvoo
e riise Huufe, Kiwis au,
und Dääfi, rot, grien, gääl und blau,
Dr'zue no d' Zeedel mit Gedicht,
die schildre eim e ganzi Gschicht!
Nur'd Schnitzelbänk han iich nid gsee,
Ha müesse go, oje, oje!


D' Wirtschaft nämme mängi Clique,
anderi au nur Boutique,
und dere drohende Bankrott
als Theme für dr g'riimte Spott,
politisch's Züügs hän einigi,
das isch egal, nur Parodie
muess dinne sii, susch isch es lasch,
so aber machts e riise Spass!


So schön isch'd Fasnacht gse dis Joor,
do z' Basel, meinsch nid au s' isch wohr,
dass das d' drey schönschte Dääg sind gsee,
mit Räppli, Waggis, und no mee?
Au d'Sunne het das Johr mitgschpiilt,
het dr Rääge aus em Städtli gschiilt,
Ha Freud kaa, ohni Alkohol,
ich freu mi scho uuf's nägschte mol!